25
August 2019
Sunday
11:02 am IST

രാജിവച്ച ശേഷം രാഹുല്‍ ഗാന്ധി തിയറ്ററില്‍; കണ്ടത് ജാതിക്കൊലപാതകങ്ങളുടെ കഥ പറയുന്ന ‘ആര്‍ട്ടിക്കിള്‍ 15’

July 5, 2019 | 10:30 PM | | admin
pjimage--6--jpg_710x400xt
രാജിവച്ച ശേഷം രാഹുല്‍ ഗാന്ധി തിയറ്ററില്‍; കണ്ടത് ജാതിക്കൊലപാതകങ്ങളുടെ കഥ പറയുന്ന ‘ആര്‍ട്ടിക്കിള്‍ 15’

രാഹുല്‍ സിനിമ കാണാനെത്തിയ വീഡിയോ സോഷ്യല്‍ മീഡിയയില്‍ പ്രചരിക്കുകയാണ്. തിയറ്ററില്‍ പോപ്‌കോണ്‍ കഴിക്കുന്നതും സിനിമ കാണാനെത്തിയവരോട് അദ്ദേഹം സംസാരിക്കുന്നതും വീഡിയോയില്‍ കാണാം.

ദില്ലി: കോണ്‍ഗ്രസ് അധ്യക്ഷ സ്ഥാനത്ത്നിന്ന് രാജിവച്ച ബുധനാഴ്ച രാഹുല്‍ ഗാന്ധി വി ഐ പി സുരക്ഷയില്ലാതെ സിനിമ തിയറ്ററില്‍. ഇന്ത്യയിലെ ജാതിവ്യവസ്ഥയെക്കുറിച്ച് പറയുന്ന ആര്‍ട്ടിക്കിള്‍15 സിനിമ കാണാനാണ് രാഹുല്‍ ഗാന്ധി ദില്ലിയിലെ പിവിആര്‍ ചാണക്യ തിയറ്ററില്‍ എത്തിയത്. ഉത്തരേന്ത്യയിലെ ജാതിക്കൊലകളു കഥ പറയുന്ന ചിത്രമാണ് ‘ആര്‍ട്ടിക്കിള്‍ 15′. രാഹുല്‍ സിനിമ കാണാനെത്തിയ വീഡിയോ സോഷ്യല്‍ മീഡിയയില്‍ പ്രചരിക്കുകയാണ്.

തിയറ്ററില്‍ പോപ്‌കോണ്‍ കഴിക്കുന്നതും സിനിമ കാണാനെത്തിയവരോട് അദ്ദേഹം സംസാരിക്കുന്നതും വീഡിയോയില്‍ കാണാം. ‘മുല്‍ക്ക്’എന്ന ചിത്രത്തിന് ശേഷം അനുഭവ് സിന്‍ഹ സംവിധാനം ചെയ്യുന്ന ചിത്രമാണ്‘ആര്‍ട്ടിക്കിള്‍ 15’.

ഉത്തര്‍പ്രദേശിലെ ബദൗനില്‍ 2014 ല്‍ കൂലി കൂട്ടിച്ചോദിച്ച രണ്ട് ദലിത് പെണ്‍കുട്ടികളെ കൂട്ട ബലാത്സംഗം ചെയ്ത് കൊലപ്പെടുത്തിയ സംഭവത്തെ അടിസ്ഥാനപ്പെടുത്തിയാണ് അനുഭവ് സിന്‍ഹ ‘ആര്‍ട്ടിക്കിള്‍ 15’ ഒരുക്കിയിരിക്കുന്നത്. ആയുഷ്മാന്‍ ഖുരാനയാണ് നായകന്‍. ചിത്രത്തിനെതിരെ ബ്രാഹ്മണ സംഘടനകള്‍ രംഗത്ത് വന്നിരുന്നു.

News Reporter – Stella John

 

 

Previous Next