23
January 2021
Saturday
09:18 am IST
Kozhikode
28°
Rain Shower

കവിത – അനുരാഗം – ജിസന്‍ എം വിത്സന്‍ കുമ്പഴ

July 13, 2019 | 9:52 PM | | admin

അനുരാഗത്തിൻ നിറങ്ങൾ തളിരിടും കുളിർ കാലം,
മനസ്സും മനസ്സുമായ് അടുക്കും ശുഭകാലം, 
ആ കാലത്തിൽ സ്വർഗ്ഗ പാതയിൽ ഞാൻ അറിഞ്ഞു, 
എനിക്ക് നീ ആണ് എല്ലാം എന്ന്……………. 
അന്ന് നീ എനിക്ക് തന്ന സ്നേഹം എന്റ്റെ എല്ലാമായിരുന്നു, 
അന്ന് നീ എനിക്ക് തന്ന വാക്കുകൾ എന്റ്റെ ജീവനായിരുന്നു, 
എന്നിട്ടും നീ അറിഞ്ഞില്ല എന്നിലെ

സ്നേഹം എത്ര വലുതെന്നു……………

എന്നിലെ ആത്മാവിൻ പ്രാണൻ നിനക്കായ് കൊതിച്ചപ്പോൾ,
എൻ വിരൾ തുമ്പിൽ കൈ കോർത്ത് നടന്നപ്പോൾ, 
ഞാൻ ആഗ്രഹിച്ചു നീ എന്റെ സ്വന്തം ആകുമെന്ന്
നിനക്ക് നന്ന് എന്ന് തോന്നും വഴികളിൽ നീ നടന്നപ്പോഴും 
ഞാൻ അറിഞ്ഞിരുന്നില്ല നീ എൻ സ്നേഹം മറന്നിടും എന്ന്. 
എന്നിൽ നിന്നകലാൻ നിനക്കു കഴിഞ്ഞിടുമെന്നു
മഴ കൊഞ്ചലായ് നീ

എൻ ഉള്ളിൽ വന്നു പെയ്ത് മാഞ്ഞിടുമെന്നു..

ഞാൻ വേണ്ടന്നു പറയുമ്പോൾ നീ വേണമെന്നും,
ഞാൻ സമ്മതം മൂളുമ്പോൾ നീ ചെയ്താലും 
നീ മനസ്സിലാക്കിയിരുന്നു അത് വേണ്ടായിരുന്നു എന്ന്.
എന്നിട്ടും എന്തേ നീ മനസ്സിലാക്കിയില്ല എന്റ്റെ വാക്കുകൾ…………..
എനിക്ക് ശേഷം നീ കണ്ടെത്തിയ കൂട്ടാളി പറയുന്നതെല്ലാം
അനുസരിക്കാൻ നിനക്ക് കഴിയട്ടെ എന്ന് പ്രാർത്ഥിക്കുന്നു.

Previous Next